21.2.13

Lecturas rosalianas: Club de lectura de adultos do Concello de POIO e os Trasnos dos libros.



No día de onte un grupo de lectores e lectoras rosalianas reunímonos convocados pola Concellería de Cultura de Poio a un moi grato encontro: Unha sesión de lecturas para lembrar a Rosalía.

Alí estabamos os membros do club de lectura de adultos do noso Concello, algúns representantes dos Trasnos dos libros de 2º de bacharelato, o escritor Xesús Constela, as Concellerias de Educación e de Cultura, a bibliotecaria municipal e as coordinadoras das BIBES do IES de Poio e do IES de Sanxenxo.

Rosalía convocounos e os seus versos reuníronos arredor dunha mesa, as voces dos máis novos e as voces dos adultos puxeron a musicalidade a poemas  que levan nos corazóns dos galegos 150 anos.
Desexamos que dentro de 150 anos máis, outros rapaces e rapazas de Poio aúnan as súas voces ás dos adultos para revivir os versos de Rosalía.

AHHHH, o día 6 volvemos reunirnos ( adultos e trasnos) para falar do libro de Xesús Constela.